HE is our HOPE...

Our true HAPPINESS...

Our LIFE...

KARUGTONG NG BUHAY

By RSP

Ikaw ang sikat ng araw tuwing ulan ay papanaw

Tanglaw sa daanang hindi malinaw

Ang buwan at bituin sa gabing madilim

At ang liwanag sa dulo ng kwebang hindi mabanaag

Ikaw ang payaso ng nalulumbay na puso

Nagpapasigla sa mga panahon na di kaaya-aya

Ang kiliti ng katawang nananatili

At ang ngiti na namumutawi sa aking mga labi

Ikaw ang dugong dumadaloy sa aking katawan

Ugat ng aking kalamnan

Ang pintig ng aking pulso

At ang utak na naguugnay sa aking pagkatao

Ano pa man ang aking bigkasin

Iisa lang ang ibig ipakahulugan o sabihin

Sa madaling salita Diyos Ama

Ikaw ang hangin sa aking paghinga